இதனிடையே, தேர்தலை சுமுகமாக நடத்த தேர்தல் ஆணையம் தீவிர முயற்சி மேற்கொண்டு வருகிறது. மேலும், தேர்தல் தொடர்பாக பரப்பப்படும் போலி, தவறான செய்திகளை தடுக்கவும் தீவிர நடவடிக்கை எடுத்து வருகிறது.

இந்நிலையில், கேரளாவில் தேர்தல் வாக்குப்பதிவு எந்திரம் குறித்து தவறான தகவல்களை பரப்பிய 12 பேர் மீது போலீசார் வழக்குப்பதிவு செய்துள்ளனர்.

வாக்குப்பதிவு எந்திரம் குறித்து பேஸ்புக், டுவிட்டர் உள்ளிட்ட சமூகவலைதளங்களில் தவறான தகவல்களை பரப்பியதாக மலப்புரம், கொல்லம், திருவனந்தபுரம் உள்பட பல்வேறு மாவட்டங்களை சேர்ந்த 12 பேர் மீது போலீசார் வழக்குப்பதிவு செய்துள்ளனர்.