ஆஸ்திரேலிய ஒரு நாள் போட்டி அணியின் கேப்டன் ஆரோன் பிஞ்ச்சை இந்த முறை பெங்களூரு ராயல் சேலஞ்சர்ஸ் அணி ரூ.4.40 கோடிக்கு ஏலத்தில் எடுத்துள்ளது. ஐ.பி.எல். கிரிக்கெட்டில் அவர் விளையாடப்போகும் 8-வது அணி பெங்களூரு ஆகும். ஏற்கனவே ராஜஸ்தான் ராயல்ஸ், டெல்லி கேப்பிட்டல்ஸ், ஐதராபாத் சன்ரைசர்ஸ், புனே வாரியர்ஸ், மும்பை இந்தியன்ஸ், குஜராத் லயன்ஸ், கிங்ஸ் லெவன் பஞ்சாப் ஆகிய அணிகளுக்காக பங்கேற்று இருக்கிறார். இதில் புனே, குஜராத் அணிகள் ஐ.பி.எல்.-ல் இருந்து நீக்கப்பட்டு விட்டன. ஐ.பி.எல்.-ல் அதிக அணிகளுக்காக ஆடியவர் என்ற சிறப்பை அடுத்த சீசனில் பிஞ்ச் பெறப்போகிறார்.