சென்னை,
டி20 உலக கோப்பை 2026 தொடரில் இந்திய அணி சிக்ஸர் மழை பொழிந்து புதிய சாதனையை உருவாக்கியுள்ளது. ஒரே சீசனில் அதிக சிக்ஸர்கள் அடித்த 2வது அணியாக இந்தியா திகழ்கிறது.
இந்த தொடரில் இதுவரை
வெஸ்ட் இண்டீஸ் - 66 சிக்ஸர்கள்
இந்தியா - 63 சிக்ஸர்கள் என்ற கணக்கில் உள்ளன.
வெஸ்ட் இண்டீஸ் அணி 66 சிக்ஸர்களுடன் முதலிடத்தில் உள்ள நிலையில், இந்தியா வெறும் 3 சிக்ஸர்கள் மட்டுமே பின்தங்கியுள்ளது. தொடரில் இன்னும் போட்டிகள் மீதமுள்ளதால், இந்த சாதனையை இந்தியா முறியடிக்கும் என எதிர்பார்க்கப்படுகிறது.
டி20 உலகக்கோப்பை தொடரில் தற்போது சூப்பர் 8 சுற்று போட்டிகள் நடைபெற்று வருகின்றன. சென்னையில் நேற்று நடைபெற்ற ஆட்டத்தில் இந்தியா - ஜிம்பாப்வே அணிகள் விளையாடின.
முதலில் பேட்டிங் செய்த இந்திய அணி, அதிரடியாக விளையாடி 20 ஓவர்களில் 4 விக்கெட் இழப்புக்கு 256 ரன்கள் குவித்தது. இதையடுத்து 257 ரன்கள் எடுத்தால் வெற்றி என்ற இமாலய இலக்குடன் களமிறங்கிய ஜிம்பாப்வே அணி 20 ஓவர்கள் முடிவில் 6 விக்கெட்டுகளை இழந்து 184 ரன்கள் எடுத்தது. இதன்மூலம் இந்திய அணி 72 ரன்கள் வித்தியாசத்தில் ஜிம்பாப்வே அணியை வீழ்த்திய சூப்பர் 8 சுற்றின் தனது முதல் வெற்றியை பதிவு செய்து அசத்தியது.