10 அணிகள் பங்கேற்ற 13-வது உலகக்கோப்பை கிரிக்கெட் தொடரில் லீக் சுற்று முடிவில் டாப்-4 இடங்களை பிடித்த இந்தியா, தென் ஆப்பிரிக்கா, ஆஸ்திரேலியா, நியூசிலாந்து ஆகிய அணிகள் அரையிறுதிக்கு முன்னேறின. நடப்பு சாம்பியன் இங்கிலாந்து, பாகிஸ்தான், இலங்கை, ஆப்கானிஸ்தான் உள்பட 6 அணிகள் வெளியேறின.

லீக் சுற்றுடன் பாகிஸ்தான் அணி நடையை கட்டியது கடும் விமர்சனத்துக்கு உள்ளானது. பாகிஸ்தான் அணியின் செயல்பாட்டை பல்வேறு தரப்பினரும் குறை கூறினர். இந்த நிலையில் பாகிஸ்தான் அணியின் ஒருநாள், டெஸ்ட், டி-20 ஆகிய 3 வடிவிலான கிரிக்கெட் போட்டிகளின் கேப்டன் பொறுப்பிலிருந்து விலகுவதாக பாபர் அசாம் நேற்று அறிவித்தார்.