லண்டன்,
இங்கிலாந்துக்கு சென்றுள்ள தென்ஆப்பிரிக்க கிரிக்கெட் அணி 3 போட்டிகள் கொண்ட டெஸ்ட் தொடரில் பங்கேற்றுள்ளது. இதில் முதலாவது டெஸ்டில் தென்ஆப்பிரிக்காவும், 2-வது டெஸ்டில் இங்கிலாந்தும் இன்னிங்ஸ் வெற்றி பெற்றன. இதனால் தொடர் 1-1 என்ற கணக்கில் சமநிலையில் இருக்கிறது.
இந்த நிலையில் இவ்விரு அணிகள் இடையிலான 3-வது மற்றும் கடைசி டெஸ்ட் போட்டி லண்டன் ஓவலில் இன்று தொடங்குகிறது. 10 நாட்கள் ஓய்வுக்கு பிறகு களம் காணும் இவ்விரு அணியினரும் தொடரை வெல்வதற்கான வியூகங்களை தீட்டியுள்ளனர்.
இங்கிலாந்து அணியில் காயமடைந்த பேர்ஸ்டோவுக்கு பதிலாக ஹாரி புரூக் அறிமுக வீரராக இடம் பிடித்துள்ளார். இதே போல் தென்ஆப்பிரிக்க அணியில் காயத்தால் அவதிப்படும் வான்டெர் டஸனுக்கு பதிலாக ரையான் ரிக்கெல்டன் ஆட உள்ளார்.
இந்திய நேரப்படி மாலை 3.30 மணிக்கு தொடங்குகிறது.