வட அமெரிக்கா, மத்திய அமெரிக்கா மற்றும் கரீபியன் தீவுகளைச் சேர்ந்த கிளப் அணிகளுக்கு இடையேயான கான்காகேப் சாம்பியன்ஸ் கோப்பை கால்பந்து தொடர் அமெரிக்காவில் நடைபெற்று வருகிறது. இதில் நேற்று நடைபெற்ற லீக் ஆட்டத்தில் நாஷ்வில்லே மற்றும் இன்டர் மியாமி அணிகள் மோதின.

இந்த போட்டியில் தொடக்கம் முதலே ஆதிக்கம் செலுத்திய மெஸ்சியின் இன்டர் மியாமி அணி 3-1 என்ற கோல் கணக்கில் அபார வெற்றி பெற்று காலிறுதிக்கு தகுதி பெற்று அசத்தியது. இந்த போட்டியில் இன்டர் மியாமி தரப்பில் சுவாரஸ், மெஸ்சி மற்றும் டெய்லர் ஆகியோர் தலா 1 கோல் அடித்தனர். அதேவேளையில் நாஷ்வில்லே தரப்பில் சாம் சுர்ரிஜ் மட்டுமே ஒரு கோல் அடித்தார்.