சென்னை,
4-வது உலகக் கோப்பை ஸ்குவாஷ் போட்டி சென்னை ராயப்பேட்டையில் உள்ள எக்ஸ்பிரஸ் அவென்யூவில் நடந்து வருகிறது. இதில் நேற்று நடந்த முதலாவது அரைஇறுதியில் நடப்பு சாம்பியன் எகிப்து அணி 4-0 என்ற கணக்கில் ஜப்பானை வீழ்த்தி இறுதிப்போட்டிக்கு தகுதி பெற்றது.
மற்றொரு அரைஇறுதியில் மலேசியா அணி 3-0 என்ற கணக்கில் இந்தியாவுக்கு அதிர்ச்சி அளித்து இறுதிப்போட்டிக்குள் நுழைந்தது. இந்திய அணியில் அபய் சிங், ஜோஸ்னா சின்னப்பா, சவுரவ் கோஷல் ஆகியோர் தங்களது ஆட்டங்களில் தோல்வி கண்டனர்.
இன்று பிற்பகல் 2 மணிக்கு நடைபெறும் இறுதிப்போட்டியில் எகிப்து-மலேசியா அணிகள் பலப்பரீட்சை நடத்துகின்றன. அரைஇறுதியில் தோல்வி கண்ட இந்தியா, ஜப்பான் அணிகள் இணைந்து 3-வது இடத்தை பிடித்ததாக அறிவிக்கப்பட்டது. முன்னதாக நடைபெறும் 5-வது இடத்துக்கான ஆட்டத்தில் ஆஸ்திரேலியா-கொலம்பியா, 7-வது இடத்துக்கான ஆட்டத்தில் ஹாங்காங்-தென்ஆப்பிரிக்கா அணிகள் மோதுகின்றன.