ஸ்பெயின் மாஸ்டர்ஸ் சர்வதேச பேட்மிண்டன் போட்டி ஸ்பெயின் நாட்டில் நடந்து வருகிறது. இதில் நேற்று நடந்த பெண்கள் ஒற்றையர் பிரிவு அரைஇறுதி ஆட்டம் ஒன்றில் ஒலிம்பிக் போட்டியில் 2 முறை பதக்கம் வென்ற இந்திய வீராங்கனை பி.வி.சிந்து, சிங்கப்பூரை சேர்ந்த யோ ஜியா மின்னை சந்தித்தார்.

48 நிமிடம் நடந்த விறுவிறுப்பான இந்த ஆட்டத்தில் சிந்து 24-22, 22-20 என்ற நேர்செட்டில் யோ ஜியா மின்னை வீழ்த்தி இறுதிப்போட்டிக்கு முன்னேறினார். கடந்த ஆண்டு நடந்த காமன்வெல்த் விளையாட்டு போட்டியில் தங்கப்பதக்கம் வென்ற சிந்து அதன் பிறகு இறுதிப்போட்டிக்குள் நுழைவது இதுவே முதல்முறையாகும்.