முன்னணி வீரர், வீராங்கனைகள் கலந்து கொண்டுள்ள பிரெஞ்சு ஓபன் டென்னிஸ் தொடர் பிரான்ஸ் தலைநகர் பாரீசில் நடைபெற்று வருகிறது. இதில், ஆண்கள் ஒற்றையர் பிரிவில் அரையிறுதிப் போட்டியில் ஜெர்மனி வீரர் அலெக்சாண்டர் ஸ்வெரேவ் , நார்வே வீரர் காஸ்பர் ரூட் ஆகியோர் மோதினர்.

விறுவிறுப்பான இந்த ஆட்டத்தில் சிறப்பாக விளையாடி ஸ்வெரேவ் ஆதிக்கம் செலுத்தினார். இதனால் 2-6,6-2,6-4,6-2 என்ற செட் கணக்கில் ஸ்வெரேவ் வெற்றி பெற்றார். இதனால் அவர் இறுதிப்போட்டிக்கு முன்னேறினார். இறுதிப்போட்டியில் கார்லஸ் அல்காரஸ் , ஸ்வெரேவ் ஆகியோர் மோத உள்ளனர்.