சினிமா செய்திகள்
எஸ்ஜே சூர்யா பிறந்த நாளை முன்னிட்டு "எல்ஐகே" படத்தின் புதிய போஸ்டர் வெளியீடு
விக்னேஷ் சிவன் இயக்கத்தில் பிரதீப் ரங்கநாதன் நடித்துள்ள ‘எல்.ஐ.கே’ படம் வரும் செப்டம்பர் 18ம் தேதி திரையரங்குகளில் வெளியாக உள்ளது.
சென்னை,
தமிழ் சினிமாவின் முன்னணி இயக்குனர்களில் ஒருவரான விக்னேஷ் சிவன் இயக்கத்தில் பிரதீப் ரங்கநாதன் ''லவ் இன்சூரன்ஸ் கம்பெனி' (எல்.ஐ.கே) என்ற படத்தில் நடித்துள்ளார். இந்த படத்தில், எஸ்.ஜே. சூர்யா, கீர்த்தி ஷெட்டி, சீமான், யோகி பாபு ஆகியோர் முக்கிய கதாபாத்திரங்களில் நடித்துள்ளனர். செவன் ஸ்கிரீன் ஸ்டுடியோ நிறுவனமும், ரவுடி பிக்சர்ஸ் நிறுவனமும் இணைந்து தயாரிக்கும் இப்படத்திற்கு அனிருத் இசையமைக்கிறார். இந்த படம் வரும் செப்டம்பர் மாதம் 18ம் தேதி திரையரங்குகளில் வெளியாகும் என அறிவிக்கப்பட்டுள்ளது.
இந்நிலையில், நடிகர் எஸ்ஜே சூர்யாவின் பிறந்த நாளை முன்னிட்டு படக்குழு புதிய போஸ்டரை வெளியிட்டுள்ளது.