குலசை முத்தாரம்மன் தேரில் வீதி உலா

குலசேகரன்பட்டினம்,

குலசேகரன்பட்டினம் முத்தாரம்மன் கோவிலில் மாசிமாத கடைசி செவ்வாய்க்கிழமையையொட்டி அம்மன் தேரில் வீதி உலா வரும் நிகழ்ச்சி நடந்தது. இதையொட்டி காலை 6 மணிக்கு கோவில் நடை திறக்கப்பட்டு, கால சந்தி பூஜை, மதியம் உச்சிகால பூஜை, மாலை சாயரட்சை பூஜை, இரவு 9 மணிக்கு ராக்கால பூஜை நடைபெற்றது.

பின்னர் முத்தாரம்மன் தேரில் எழுந்தருளி, ரத வீதியில் உலா வந்து பக்தர்களுக்கு அருள்பாலித்தார். விழாவில் திரளான பக்தர்கள் கலந்து கொண்டு சாமி தரிசனம் செய்தனர்.