மாஸ்கோ,
ரஷியாவின் தன்னாட்சி பெற்ற பிராந்தியமான மொர்தோவியாவின் தலைநகர் சாரன்சுக்கில் உள்ள ஒரு நெடுஞ்சாலையில் கார் ஒன்று வேகமாக சென்று கொண்டிருந்தது.
திடீரென டிரைவரின் கட்டுப்பாட்டை இழந்த அந்த கார் சாலையில் தறிகெட்டு ஓடியது. பின்னர் அந்த கார் சாலையின் நடுவே இருந்த தடுப்பு சுவரை உடைத்து கொண்டு எதிர் திசையில் பாய்ந்தது.
அதனைத் தொடர்ந்து எதிர்த் திசையில் வந்த காருடன் இந்த கார் நேருக்கு நேர் மோதியது. மோதிய வேகத்தில் 2 கார்களும் தீப்பிடித்து எரிந்தன.
இந்தக் கோர விபத்தில் 2 கார்களில் பயணம் செய்த 6 பேர் சம்பவ இடத்திலேயே உடல் கருகி பரிதாபமாக உயிரிழந்தனர்.