கார்த்திக் சுப்புராஜ் இயக்கத்தில் விக்ரம் நடிப்பில் உருவாகி வெளிவரவிருக்கும் படம் 'மகான்'. விக்ரமும் அவருடைய மகனும் இணைந்து நடித்திருப்பதால் படம் பற்றிய எதிர்பார்ப்பு ரசிகர்கள் மத்தியில் அதிகம் எழுந்துள்ளது. இப்படத்தில் சிம்ரன், வாணி போஜன், பாபி சிம்ஹா உள்ளிட்டோர் முக்கியக் கதாபாத்திரங்களில் நடித்துள்ளனர்.
செவன் ஸ்கிரீன் ஸ்டூடியோஸ் சார்பில் லலித் தயாரிக்கும் இப்படத்திற்கு சந்தோஷ் நாராயணன் இசையமைக்கிறார். இப்படத்தின் படப்பிடிப்பு நிறைவடைந்ததைத் தொடர்ந்து, தற்போது இறுதிக்கட்டப்பணிகள் முழுவீச்சில் நடைபெற்று வருகின்றன.
இந்நிலையில் இந்த படத்தை பற்றிய அப்டேட் இன்று வெளியாகி சமூக வலைத்தளங்களில் பேசுபொருளாகியிருக்கிறது. ஒவ்வொரு படங்களும் தணிக்கைக்கு சென்றபிறகு அந்த படத்திற்கு எந்த சான்று கிடைக்கும் என்ற எதிர்ப்பார்ப்பும் மக்களிடையே அதிகரிக்கும். அந்தவரிசையில் மகான் படத்திற்கு தணிக்கை குழு யு/ஏ சான்று அளித்துள்ளது. இதனை சமூகவலைத்தளங்கலில் ரசிகர்கள் கொண்டாடிவருகின்றனர்.