புளோரிடா,

எம்.எல்.சி. எனப்படும் மேஜர் லீக் கிரிக்கெட் தொடர் அமெரிக்காவில் நடைபெற்று வருகிறது. இந்த தொடரில் நேற்று நடைபெற்ற ஒரு லீக் ஆட்டத்தில் லாஸ் ஏஞ்சல்ஸ் நைட் ரைடர்ஸ் - எம்.ஐ. நியூயர்க் அணிகள் மோதின. இந்த ஆட்டம் புளோரிடாவில் நடைபெற்றது.

இந்த ஆட்டத்திற்கான டாசில் வென்ற நைட் ரைடர்ஸ் அணி முதலில் பந்துவீசுவதாக அறிவித்தது. இதையடுத்து முதலில் பேட்டிங் செய்த எம்.ஐ. நியூயார்க் அணி 20 ஓவரில் 9 விக்கெட்டை இழந்து 142 ரன்கள் எடுத்தது. அந்த அணி தரப்பில் அதிகபட்சமாக பொல்லார்டு 50 ரன் எடுத்தார். நைட் ரைடர்ஸ் தரப்பில் ஷால்க்விக் 3 விக்கெட் வீழ்த்தினார்.

தொடர்ந்து 143 ரன் எடுத்தால் வெற்றி என்ற இலக்குடன் களம் புகுந்த நைட் ரைடர்ஸ் அணி 20 ஓவரில் 4 விக்கெட்டை இழந்து 136 ரன்கள் மட்டுமே எடுத்தது. இதன் மூலம் 6 ரன் வித்தியாசத்தில் எம்.ஐ. நியூயார்க் அணி திரில் வெற்றி பெற்று இந்த தொடரில் 3வது வெற்றியை பதிவு செய்தது. நைட் ரைடர்ஸ் தரப்பில் அதிகபட்சமாக உன்முகுந் சந்த் 59 ரன்கள் எடுத்தார்.