புதுடெல்லி,
12 அணிகள் பங்கேற்றுள்ள 10-வது இந்தியன் சூப்பர் லீக் (ஐ.எஸ்.எல்) கால்பந்து தொடர் பல்வேறு நகரங்களில் நடைபெற்று வருகிறது. ஒவ்வொரு அணியும் உள்ளூர்- வெளியூர் அடிப்படையில் 2 முறை மோதும். இந்நிலையில் இந்த போட்டி தொடரில் நேற்று இரவு நடைபெற்ற லீக் ஆட்டத்தில் புள்ளி பட்டியலில் 2-வது இடத்தில் உள்ள கேரளாவும், 11-வது இடத்தில் உள்ள பஞ்சாப் அணியும் பலப்பரீட்சை நடத்தின. ஆரம்பம் முதலே விறுவிறுப்பாக நடைபெற்ற இந்த ஆட்டத்தில் முதல் பாதியில் இரு அணிகளும் கோல் அடிக்கவில்லை.
இதையடுத்து இரண்டாம் பாதியில் கேரளாவுக்கு கிடைத்த பெனால்டி வாய்ப்பை டிமிட்ரியோஸ் டயமண்டகோஸ் கோல் அடித்து அசத்தினார். இதையடுத்து இரு அணிகளும் கோல் அடிக்க எடுத்த முயற்சிகளுக்கு பலன் கிடைக்கவில்லை.
இறுதியில் கேரளா அணி 1-0 என பஞ்சாப் அணியை வீழ்த்தி இந்த தொடரில் தனது 6வது வெற்றியை பதிவு செய்தது. 10 ஆட்டங்களில் ஆடியுள்ள பஞ்சாப் அணி 5 டிரா, 5 தோல்வி கண்டு இன்னும் முதல் வெற்றியை பதிவு செய்யாமல் உள்ளது.
