மும்பை,
12 அணிகள் இடையிலான 10-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் பல்வேறு நகரங்களில் நடைபெற்று வருகிறது. இந்நிலையில் இந்த தொடரில் மும்பையில் இன்று நடைபெறும் ஆட்டத்தில் மும்பை சிட்டி - ஒடிசா எப்.சி அணிகள் மோத உள்ளன.
இந்த தொடரில் இதுவரை நடந்துள்ள லீக் ஆட்டங்களின் முடிவில் மும்பை 20 ஆட்டங்களில் ஆடி 13 வெற்றி, 5 டிரா, 2 தோல்வி கண்டு 44 புள்ளிகளுடன் புள்ளிப்பட்டியலில் முதல் இடத்தில் உள்ளது. அதேவேளையில் 20 ஆட்டங்களில் ஆடியுள்ள ஒடிசா 11 வெற்றி, 6 டிரா, 3 தோல்வி கண்டு 39 புள்ளிகளுடன் புள்ளிப்பட்டியலில் 3வது இடத்தில் உள்ளது குறிப்பிடத்தக்கது.
புள்ளிப்பட்டியலில் முன்னிலையில் உள்ள இரு அணிகள் மோதுவதால் இன்றைய ஆட்டத்தில் பரபரப்புக்கு பஞ்சம் இருக்காது. இந்திய நேரப்படி ஆட்டம் இரவு 7.30 மணிக்கு தொடங்குகிறது.