புதுடெல்லி,
12 அணிகள் கலந்து கொண்டுள்ள ஐ.எஸ்.எல்.கால்பந்து தொடர் இந்தியாவின் பல்வேறு நகரங்களில் சிறப்பாக நடைபெற்று வருகிறது. இந்நிலையில் இந்த தொடரில் இன்று நடைபெறும் ஆட்டத்தில் பஞ்சாப் எப்.சி - ஈஸ்ட் பெங்கால் அணிகள் மோத உள்ளன. இந்த ஆட்டம் புதுடெல்லியில் நடைபெற உள்ளது.
இந்நிலையில் இந்த தொடரில் இதுவரை நடந்துள்ள லீக் ஆட்டங்களின் முடிவில் ஈஸ்ட் பெங்கால் அணி 21 ஆட்டங்கள் ஆடி 6 வெற்றி, 6 டிரா, 9 தோல்வி கண்டு 24 புள்ளிகளுடன் புள்ளிப்பட்டியலில் 7வது இடத்தில் உள்ளது.
அதேவேளையில் பஞ்சாப் அணி 21 ஆட்டங்களில் ஆடி 5 வெற்றி, 6 டிரா, 10 தோல்வி கண்டு 21 புள்ளிகளுடன் புள்ளிப்பட்டியலில் 11வது இடத்தில் உள்ளது குறிப்பிடத்தக்கது. இரு அணிகளும் வெற்றிக்காக கடுமையாக போராடும் என்பதால் ஆட்டத்தில் பரபரப்புக்கு பஞ்சம் இருக்காது. இந்திய நேரப்படி ஆட்டம் இரவு 7.30 மணிக்கு தொடங்குகிறது.