வாஷிங்டன்,
இணையத்தில் தகவல்களை தேடுவோருக்கு சர்ச் என்ஜின் எனப்படும் தேடுபொறி மிகவும் முக்கியமான ஒன்றாக இருக்கிறது. இந்த வசதியை பல மென்பொருள் நிறுவனங்கள் வழங்கினாலும், ஆல்பாபெட் நிறுவனத்தின் கூகுள் தொடர்ந்து ஆதிக்கம் செலுத்துகிறது.ஒவ்வொரு ஆண்டின் இறுதியிலும் உலகளவில் அதிகம் தேடப்பட்ட விளையாட்டு அணிகள் பட்டியலை கூகுள் நிறுவனம் வெளியிட்டு வருகிறது.
அதன்படி 2023ம் ஆண்டில் உலகளவில் அதிகம் தேடப்பட்ட விளையாட்டு அணிகள் பட்டியலை கூகுள் நிறுவனம் வெளியிட்டுள்ளது.
இந்த பட்டியலில் மெஸ்சி தலைமையிலான இன்டர் மியாமி அணி (கால்பந்து ) முதலிடத்தை பிடித்துள்ளது. பிரபல கூடைப்பந்து அணியான லாஸ் ஏஞ்சல்ஸ் லேக்கர்ஸ் 2வது இடத்தை பிடித்துள்ளது.
ரொனால்டோ தலைமையிலான அல்நாசர் அணி (கால்பந்து ) 3வது இடத்தை பிடித்துள்ளது. மேலும் இந்திய கிரிக்கெட் அணி இந்த பட்டியலில் 9வது இடத்தை பிடித்துள்ளது.