பஞ்ச்குலா,
தேசிய சீனியர் மகளிர் ஆக்கி சாம்பியன்ஷிப் தொடர் அரியானா மாநிலம் பஞ்ச்குலாவில் நடைபெற்றது. இதன் லீக் மற்றும் காலிறுதி சுற்றுகளின் முடிவில் அரியானா, மிசோரம், மராட்டியம் மற்றும் ஜார்கண்ட் ஆகிய அணிகள் அரையிறுதிக்கு முன்னேறின
அரையிறுதியில் மிசோரம் அணியை 0-4 என்ற கோல் கணக்கில் வீழ்த்தி அரியானாவும், மராட்டியத்தை சூட் அவுட்டில் 2-3 என்ற கோல் கணக்கில் வீழ்த்தி ஜார்கண்ட் அணியும் இறுதிப்போட்டிக்கு தகுதி பெற்றன.
இந்நிலையில் ஜார்கண்ட் - அரியானா இடையிலான இறுதிப்போட்டி நேற்று நடைபெற்றது. இந்த ஆட்டம் வழக்கமான நேர முடிவில் 1-1 என்ற கணக்கில் சமனில் முடிந்தது. இதனையடுத்து வெற்றியாளரை தீர்மானிக்க சூட் அவுட் முறை கடைபிடிக்கப்பட்டது. சூட் அவுட்டில் 4-3 என்ற கோல் கணக்கில் அரியானாவை வீழ்த்தி ஜார்கண்ட் சாம்பியன் பட்டம் வென்றது.
இதற்கு முன்னதாக நடைபெற்ற 3-வது இடத்திற்கான போட்டியில் மராட்டியத்தை வீழ்த்தி மிசோரம் வெற்றி பெற்றது.