கனடா ஓபன் டென்னிஸ்: கால் இறுதியில் ரஷிய வீரர் மெட்விடேவ் தோல்வி

டொராண்டோ,

முன்னணி வீரர், வீராங்கனைகள் பங்கேற்றுள்ள கனடா ஓபன் சர்வதேச டென்னிஸ் போட்டி அங்குள்ள டொராண்டோ, மான்ட்ரியல் நகரங்களில் நடந்து வருகிறது. இதில் ஆண்கள் ஒற்றையர் பிரிவில் கால்இறுதி ஆட்டத்தில், தரவரிசையில் 18-வது இடத்தில் இருக்கும் ஆஸ்திரேலிய வீரர் அலெக்ஸ் டி மினார் 7-6 (9-7), 7-5 என்ற நேர்செட்டில் முன்னாள் சாம்பியனும், 3-வது இடத்தில் உள்ளவருமான டேனில் மெட்விடேவை (ரஷியா) வீழ்த்தி முதல்முறையாக அரைஇறுதிக்குள் அடியெடுத்து வைத்தார்.

மற்ற ஆட்டங்களில் இத்தாலி வீரர் ஜானிக் சின்னெர் 6-4, 4-6, 6-3 என்ற செட் கணக்கில் மான்பில்சையும் (பிரான்ஸ்), ஸ்பெயின் வீரர் டேவிடோவிச் போகினா 6-4, 6-2 என்ற நேர்செட்டில் மெக்கன்சி மெக்டொனால்டையும் (அமெரிக்கா) தோற்கடித்து அரைஇறுதிக்குள் நுழைந்தனர்.