ரோம்,

பல முன்னணி வீரர் மற்றும் வீராங்கனைகள் பங்கேற்றுள்ள இத்தாலி ஓபன் டென்னிஸ் தொடர் ரோமில் நடைபெற்று வருகிறது. இதில் இன்று நடைபெற்ற மகளிர் ஒற்றையர் பிரிவின் 3-வது சுற்று ஆட்டம் ஒன்றில் நடப்பு சாம்பியனான இகா ஸ்வியாடெக் (போலந்து), டேனியல் காலின்ஸ் (அமெரிக்கா) உடன் மோதினார்.

இதில் தொடக்கம் முதலே ஆதிக்கம் செலுத்திய டேனியல் காலின்ஸ் 6-1 மற்றும் 7-5 என்ற நேர் செட் கணக்கில் ஸ்வியாடெக்குக்கு அதிர்ச்சி அளித்து காலிறுதிக்கு முந்தைய சுற்றுக்கு முன்னேறியுள்ளார். தோல்வி அடைந்த இகா ஸ்வியாடெக் தொடரிலிருந்து வெளியேறினார்.