'போடா போடி' திரைப்படம் மூலம் தமிழ் சினிமாவுக்குள் நுழைந்தவர் வரலட்சுமி சரத்குமார். தொடர்ந்து 'தாரை தப்பட்டை', 'விக்ரம் வேதா', 'சண்டக்கோழி-2', 'சர்க்கார்', 'மாரி-2', உள்ளிட்ட பல படங்களில் வரலட்சுமி நடித்துள்ளார். மலையாளம், தெலுங்கு, கன்னட மொழி படங்களிலும் அவர் நடித்துள்ளார்.

தற்போது தனுஷ் இயக்கி நடித்து வரும் 'ராயன்', மலையாளத்தில் 'கலர்ஸ்', தெலுங்கில் தயாராகி வரும் 'சபரி' உள்ளிட்ட படங்களில் வரலட்சுமி நடித்து வருகிறார். வரலட்சுமி சரத்குமாருக்கும், மும்பையை சேர்ந்த தொழில் அதிபர் நிகோலய் சச்தேவுக்கும் திருமணம் நடைபெற இருக்கிறது. இந்த நிலையில் திருமண நிச்சயதார்த்த விழா மும்பையில் நேற்று (மார்ச் 1) நடைபெற்றது.