இந்த படத்தில் கதாநாயகியாக சாய்பல்லவி நடிக்கிறார். ராஜ்குமார் பெரியசாமி டைரக்டு செய்கிறார். படவேலைகள் தொடங்கி உள்ளன. படப்பிடிப்பு தளத்துக்கு கமல்ஹாசன் நேரில் சென்று சிவகார்த்திகேயன் உள்ளிட்ட படக்குழுவினரை வாழ்த்தினார். இந்த படத்தில் சிவகார்த்திகேயன் ராணுவ வீரர் கதாபாத்திரத்தில் நடிப்பதாக கூறப்படுகிறது. பெரும்பகுதி காட்சிகளை காஷ்மீர் பகுதியில் படமாக்க திட்டமிட்டு உள்ளனர். இது சிவகார்த்திகேயனுக்கு 21-வது படம் என்பது குறிப்பிடத்தக்கது. "சிவகார்த்திகேயன், இயக்குனர் ராஜ்குமார் பெரியசாமி போன்ற இளையோருடன் இணைந்து பயணம் செய்வது மகிழ்ச்சி'' என்று கமல்ஹாசன் தெரிவித்து உள்ளார்.

ஏற்கனவே சிவகார்த்திகேயன் அயலான், மாவீரன் படங்களில் நடித்து முடித்துள்ளார். இந்த படங்கள் அடுத்தடுத்து திரைக்கு வர உள்ளன.