திருவள்ளூரை அடுத்த காக்களூர் கிருஷ்ணா கால்வாய் செல்லும் நீர் வழித்தடத்தில் பழங்கால அம்மன் சிலைகள் கிடப்பதாக திருவள்ளூர் தாசில்தார் செந்தில்குமாருக்கு தகவல் கிடைத்தது. இதைத்தொடர்ந்து தாசில்தார் செந்தில்குமார் தலைமையில், மண்டல துணை தாசில்தார் அருணா, திருவள்ளூர் வருவாய் ஆய்வாளர் கணேஷ்குமார், கிராம நிர்வாக அலுவலர் கிருஷ்ணன் ஆகியோர் சம்பவ இடத்திற்கு விரைந்து சென்று அங்கு சோதனையிட்ட போது 2 அடி உயரமும், ஒரு அடி அகலமும் கொண்ட அம்மன் சிலை, 2 அடி உயரம், ஒரு அடி அகலம் கொண்ட சிமெண்டாலான பழங்கால அம்மன் சிலை மற்றும் 9 அடி நீளம், 4 அடி அகலம் கொண்ட சிங்க உருவ கற்சிலை என 3 பழங்கால சிலைகள் இருப்பது கண்டுபிடிக்கப்பட்டது.