நெல்லை மாவட்டம் விக்கிரமசிங்கபுரம் அருகே உள்ள புலவன்பட்டியை சேர்ந்தவர் ஜேம்ஸ் ராஜாமணி. அவருடைய மனைவி சதிகா மேரி (33). 10 மாத கர்ப்பிணியாக இருந்த அவர் பிரசவத்துக்காக அம்பையில் உள்ள ஒரு தனியார் ஆஸ்பத்திரியில் அனுமதிக்கப்பட்டார். அங்கு நேற்று முன்தினம் இரவு அவருக்கு ஆண் குழந்தை பிறந்தது.

குழந்தை பிறந்த சிறிது நேரத்தில் சதிகா மேரியின் உடல்நிலை மோசமானது. இதையடுத்து அவர் மேல் சிகிச்சைக்காக அம்பை அரசு ஆஸ்பத்திரிக்கு கொண்டு செல்லப்பட்டார். அங்கு அவருக்கு தீவிர சிகிச்சை அளிக்கப்பட்டது. இருப்பினும் அவர் மூச்சுத்திணறி திடீரென பரிதாபமாக இறந்தார்.