சேலம் சூரமங்கலத்தில் ஜவுளிக்கடை நடத்தி வந்த ஒருவர் கடந்த சில மாதங்களுக்கு முன்பு எங்களை அணுகி, சேலத்தில் துணி மொத்த வியாபாரம் செய்து வருகிறேன். என்னுடன் மேலும் 6 பேர் உள்ளனர். எனவே உங்களிடமிருந்து, துணிகள் மொத்தமாக வாங்கிக் கொள்கிறேன். அதற்கு முன்பணமாக 30 சதவீதம் கொடுக்கிறேன். மீதி பணத்தை 30 நாள் தவணையில் கொடுத்து விடுகிறேன், என்று கூறினார்.

இதை நம்பி நாங்கள் கடந்த ஜனவரி மாதம் முதல் இதுவரை ரூ.1 கோடிக்கு துணிகள் கொடுத்து உள்ளோம். அதற்கான பணத்தை அவர் கொடுக்கவில்லை. பல முறை தொடர்பு கொண்ட போது பதில் கூறிக்கொண்டே இருந்தார். பணம் தர மறுத்து வந்தார். தற்போது அவரை தொடர்பு கொள்ள முடியவில்லை.