நெல்லை மாவட்ட கலெக்டராக விஷ்ணு பொறுப்பேற்ற பின்னர் அனைத்து துறைகளையும் ஆய்வு செய்து வருகிறார். இந்த நிலையில் பாளையங்கோட்டை தாலுகா அலுவலகத்தில் கலெக்டர் விஷ்ணு நேற்று திடீர் ஆய்வு மேற்கொண்டார். அங்குள்ள வருவாய் துறையின் ஆவணங்களையும், பொதுமக்களுக்கு வழங்கப்படும் சான்றிதழ்களையும் பார்வையிட்டார். தாலுகா அலுவலக வளாகத்தில் இருந்த பொதுமக்களிடமும் கலெக்டர் விஷ்ணு குறைகளை கேட்டறிந்தார்.

அப்போது மேலப்பாளையம் அருகே கருங்குளம் தந்தை பெரியார் நகரைச் சேர்ந்த கூலி தொழிலாளி சரவணன் தன்னுடைய குடும்பத்தினருடன் தாலுகா அலுவலகத்தில் இருந்தார். அவரிடம் கலெக்டர் விஷ்ணு குறைகளை கேட்டார்.