திருப்பத்தூர் தொகுதி தி.மு.க. எம்.எல்.ஏ. மற்றும் மாவட்ட போலீஸ் சூப்பிரண்டுக்கு கொரோனா தொற்று உறுதி செய்யப்பட்டுள்ளது.

திருப்பத்தூர் மாவட்டத்தில் கொரோனா வைரஸ் தொற்று நாளுக்கு நாள் அதிகரித்து வருகிறது. இதனை கட்டுப்படுத்த மாவட்ட நிர்வாகம் பல்வேறு நடவடிக்கைகளை எடுத்து வருகிறது. இந்த நிலையில் திருப்பத்தூர் தொகுதி தி.மு.க. எம்.எல்.ஏ.வான ஏ.நல்லதம்பி, மாவட்ட போலீஸ் சூப்பிரண்டு பாலகிருஷ்ணன் ஆகியோருக்கு கொரோனா தாற்று உறுதி செய்யப்பட்டுள்ளது. அதனைத்தொடர்ந்து இருவரும் தனிமைப்படுத்தப்பட்டு சிகிச்சை எடுத்து வருகின்றனர்.