மும்பை சி.எஸ்.எம்.டி. ரெயில் நிலையம் அருகில் ஹிமாலயா நடைமேம்பாலம் இருந்தது. தினமும் ஆயிரக்கணக்கான மக்கள் சென்று இந்த நடைமேம்பாலம் கடந்த மார்ச் மாதம் 14-ந் தேதி இரவு இடிந்து விழுந்தது. இந்த கோர சம்பவத்தில் 7 பேர் பரிதாபமாக உயிரிழந்தனர். 30 பேர் காயமடைந்தனர்.

இந்த விபத்து குறித்து வழக்குப்பதிவு செய்த போலீசார் நடைமேம்பாலம் பயன்படுத்த தகுதியானது என தவறான சான்றிதழ் வழங்கிய தணிக்கையாளர் நீரஜ்குமார் தேசாய், அப்போதைய மும்பை மாநகராட்சி அதிகாரிகள் சந்திக் ககுல்தே, அனில் பாட்டீல், சீத்தலா பிரசாத் கோரி ஆகிய 4 பேரை கைது செய்திருந்தனர்.