16 பவுன் திருட்டு

வீட்டுக்குள் சென்று பார்த்தபோது 2 பீரோக்கள் உடைக்கப்பட்டு அவற்றில் இருந்த 16 பவுன் நகைகள், ஒரு ஜோடி வெள்ளிக் கொலுசு, ரூ.2 ஆயிரம் மற்றும் அமெரிக்க டாலர் 50 (இந்திய ரூபாய் மதிப்பில் 3 ஆயிரத்து 890), மலேசியன் ரிங்கிட் 200 (இந்திய ரூபாய் மதிப்பில் 3 ஆயிரத்து 538) ஆகியவை திருடு போயிருந்தன. இதுகுறித்து ஜெயராணி, தேனி போலீஸ் நிலையத்துக்கு தகவல் கொடுத்தார்.

அதன்பேரில் போலீசார் சம்பவ இடத்துக்கு வந்து விசாரணை நடத்தினர். தடயவியல் நிபுணர்கள் அங்கு வந்து தடயங்களை சேகரித்தனர். மோப்ப நாய் பைரவ் அங்கு வரவழைக்கப்பட்டது. அது வீட்டில் இருந்து மோப்பம் பிடித்தபடி சிறிது தூரம் ஓடி நின்றது. ஆனால் யாரையும் அது கவ்வி பிடிக்கவில்லை. இதுகுறித்து ஜெயராணி கொடுத்த புகாரின் பேரில் தேனி போலீசார் வழக்குப்பதிவு செய்து திருட்டில் ஈடுபட்ட மர்ம நபர்கள் குறித்து விசாரணை நடத்தி வருகின்றனர். இந்த சம்பவம் அந்த பகுதியில் பரபரப்பை ஏற்படுத்தியுள்ளது.