மதுரை நாகமலை புதுக்கோட்டை போலீஸ் நிலையத்தில் கடந்த பல ஆண்டுகளாக நூற்றுக்கும் மேற்பட்ட வழக்குகளில் பறிமுதல் செய்யப்பட்ட வாகனங்கள் நிறுத்தி வைக்கப்பட்டுள்ளன. இந்த நிலையில் ஊரடங்கு உத்தரவை மீறி சாலைகளில் மோட்டார் சைக்கிளில் சுற்றித் திரிந்தவர்கள் மீது வழக்கு பதிவு செய்யப்பட்டு அவர்களின் வாகனங்களை போலீசார் பறிமுதல் செய்து வருகின்றனர். நாகமலை புதுக்கோட்டை பகுதியில் இதுவரை சுமார் 70-க்கும் மேற்பட்ட வாகனங்கள் பறிமுதல் செய்யப்பட்டுள்ளன.

இந்த வாகனங்களையும் போலீஸ் நிலைய வளாகத்திலேயே நிறுத்தியிருந்தனர். இதனால் அப்பகுதியே இரு சக்கர வாகன காப்பகம் போன்று காட்சியளித்தது. அவற்றை பாதுகாக்க முடியாமல் போலீசார் திணறினர். இது குறித்து நேற்று தினத்தந்தி நாளிதழில் படத்துடன் செய்தி வெளியானது.