கர்நாடகத்தில் காங்கிரஸ் கட்சி ஆட்சி பொறுப்பேற்ற பிறகு மாநிலத்தில் சட்டம்ஒழுங்கு முற்றிலும் சீர்குலைந்து விட்டது. இதுகுறித்து நாங்கள் பலமுறை சுட்டிக்காட்டியும், சட்டம்ஒழுங்கை சரி செய்ய மாநில அரசு எந்த நடவடிக்கையும் எடுக்கவில்லை. போலீஸ் அதிகாரி தற்கொலை வழக்கில் மந்திரி கே.ஜே.ஜார்ஜ் மீது சி.பி.ஐ. வழக்குப்பதிவு செய்துள்ளது. ஆனால், அவர் தனது பதவியை ராஜினாமா செய்யாமல் இருப்பது வெட்ககேடான செயல்.

இதேபோல, பா.ஜனதாவை சேர்ந்த தார்வார் மாவட்ட பஞ்சாயத்து கவுன்சிலர் யோகேஷ்கவுடா கொலை வழக்கில் மந்திரி வினய் குல்கர்னிக்கு தொடர்பு இருப்பது தெரியவந்துள்ளது. அவரும் தனது பதவியை ராஜினாமா செய்ய மறுக்கிறார். குற்ற வழக்கு மற்றும் ஊழல் மந்திரிகளை சித்தராமையா பாதுகாக்கிறார். மந்திரிகள் கே.ஜே.ஜார்ஜ், வினய் குல்கர்னி உடனடியாக பதவி விலக வேண்டும். அவர்கள் பதவி விலகும் வரை பா.ஜனதா கட்சி சார்பில் தொடர்ந்து போராட்டம் நடத்தப்படும்.

இவ்வாறு அவர் பேசினார்.