திருவண்ணாமலை அருகே மேல்பாலானந்தல் கிராமத்தை சேர்ந்தவர் குமார் (வயது 55). இவர் துரிஞ்சாபுரம் வட்டார காங்கிரஸ் தலைவராக பொறுப்பு வகித்து வந்தார். குமார் அவரது நிலத்தில் பயிரிட்டிருந்த மணிலாவை அறுவடை செய்திருந்தார். அவற்றை விற்பனை செய்வதற்காக சரக்கு ஆட்டோவில் ஏற்றி அவலூர்பேட்டைக்கு சென்று கொண்டிருந்தார். அதன் மேல் பகுதியில் குமாருடன் அதே பகுதியை சேர்ந்த நாராயணன் (55), முனிரத்தினம் (40), வெள்ளக்குட்டி (62), டிரைவர் ஆகியோரும் அமர்ந்திருந்தனர்.

ஆட்டோவை டிரைவர் வெங்கடேசன் ஓட்டினார். அவலூர்பேட்டை சாலை விஸ்வநாதபுரம் பகுதியில் உள்ள தொடக்கப்பள்ளி அருகே சென்று கொண்டிருந்த போது எதிர்பாராத விதமாக ஆட்டோ நிலை தடுமாறி கவிழ்ந்தது.