ஆரணி முள்ளிப்பட்டு ஊராட்சி அவுசிங்போர்டு பகுதியை சேர்ந்தவர் குமரேசன் (வயது 55). இவர் களம்பூரில் உள்ள ஒரு வங்கியில் ஊழியராக பணியாற்றி வருகிறார். இவர் தனது மனைவி, மகன், மருமகளுடன் கடந்த 22-ந் தேதி உறவினர் வீட்டுக்கு சென்று விட்டனர். நேற்று முன்தினம் இரவு அவர்கள் வீட்டுக்கு வந்தனர். அப்போது வீட்டின் பக்கவாட்டில் உள்ள ஜன்னல் உடைக்கப்பட்டு கிடந்தது. இதைப்பார்த்து அவர்கள் அதிர்ச்சி அடைந்தனர். வீட்டினுள் சென்று பார்த்தபோது பீரோ உடைக்கப்பட்டு அதில் இருந்த 10 பவுன் நகை, ரூ.40 ஆயிரம் திருடப்பட்டிருந்தது. மேலும் ஜன்னல் மற்றும் வீடு முழுவதும் மிளகாய் பொடி தூவப்பட்டு கிடந்தது.

வீட்டில் யாரும் இல்லாததை அறிந்த மர்மநபர்கள் ஜன்னலை உடைத்து வீட்டுக்குள் சென்று நகை, பணத்தை திருடிச் சென்று, மோப்பநாய் கண்டுபிடித்து விடக்கூடாது என்பதற்காக மிளகாய் பொடியை தூவி தப்பி சென்றதும் தெரியவந்தது.