குற்றங்கள் குறைவாக இருந்தாலும், ஒரு சில கிராமங்களில் திருட்டு நடப்பதாக தெரிவிக்கப்பட்டது. மேலும் நீலகிரியில் மோசடி கும்பல் மக்களை ஏமாற்றுவதாக தெரிய வந்து உள்ளது. இதுகுறித்து விசாரித்து கடும் நடவடிக்கை எடுக்கப் படும். இவ்வாறு அவர் கூறினார்.

நீலகிரி மாவட்ட புதிய போலீஸ் சூப்பிரண்டாக பொறுப்பேற்ற சண்முகப்பிரியா ஈரோடு மாவட்டத்தை சேர்ந்தவர். கடந்த 2003-ம் ஆண்டு நேரடி போலீஸ் துணை சூப்பிரண்டாக தேர்வு பெற்று, நாமக்கல்லில் பயிற்சி போலீஸ் துணை சூப்பிரண்டாகவும், அரியலூர் மாவட்டத்தில் போலீஸ் துணை சூப்பிரண்டாகவும், கோவையில் போக்குவரத்து உதவி போலீஸ் கமிஷனராகவும், 2008-ம் ஆண்டு முதல் லஞ்ச ஒழிப்புத்துறை கூடுதல் போலீஸ் சூப்பிரண்டாகவும் கோவை மற்றும் சென்னையில் பணிபுரிந்து உள்ளார்.

புதியதாக பொறுப்பேற்ற அவரை போலீஸ் துணை சூப்பிரண்டுகள் திருமேனி (ஊட்டி), சங்கு (ஊட்டி ஊரகம்), கஜேந்திரன் (ஆயுதப்படை) மற்றும் போலீசார் பூங்கொத்து கொடுத்து வரவேற்றனர். நீலகிரி மாவட்டத்தில் இதுவரை அர்ச்சனா ராமசுந்தரம், பாலநாகதேவி, வித்யா குல்கர்னி ஆகிய 3 பேர் பெண் போலீஸ் சூப்பிரண்டுகளாக பணிபுரிந்து உள்ளனர். தற்போது நான்காவதாக சண்முகப்பிரியா பெண் போலீஸ் சூப்பிரண்டாக பொறுப்பேற்று உள்ளார் என்பது குறிப்பிடத்தக்கது. முன்னதாக போலீஸ் சூப்பிரண்டு அலுவலகத்துக்கு வந்த அவருக்கு போலீசார் அணிவகுப்பு மரியாதை அளித்தனர்.