கோவில்பட்டி புதுரோட்டை சேர்ந்தவர் கணேசன். இவருடைய மகன் வெங்கடேஷ் என்ற சூர்யா (வயது 27) கட்டிட தொழிலாளி. இவருக்கு சுரேஷ் என்ற தம்பியும், ரேவதி மகேஷ் என்ற தங்கையும் உள்ளனர். இவரது பெற்றோர் சிறுவயதிலேயே இறந்து விட்டதால், குடும்ப பொறுப்பை வெங்கடேஷ் கவனித்து வந்தார்.

இந்த நிலையில் நேற்று முன்தினம் மாலையில் அந்த பகுதியை சேர்ந்த பாதயாத்திரை குழுவினருடன் சேர்ந்து வெங்கடேஷ் திருச்செந்தூருக்கு பாதயாத்திரையாக சென்றார். அவர்கள் நேற்று காலை 7 மணி அளவில் ஓட்டப்பிடாரத்துக்கு வந்தனர். அங்கு உள்ள தெப்பக்குளத்தில் குளிக்கச் சென்றனர்.