மாநிலத்தில் புதிதாக விமான நிலையங்கள் அமைக்க பாடுபடுவேன். வடகர்நாடகம் மற்றும் ஐதராபாத்-கர்நாடக பகுதி வளர்ச்சி பணிகளில் அதிக கவனம் செலுத்துவேன். நீர்ப்பாசன திட்டங்களுக்கு முன்னுரிமை அளிப்பேன். கிருஷ்ணா மேல்-அணை திட்டத்தை நிறைவேற்ற பிரதமர் நரேந்திர மோடியிடம் நிதியுதவி கேட்பேன் என்றார்.

பின்னர் கர்நாடக மேல்-சபையில் ஒப்புதல் பெறப்பட்ட நிதி மசோதா, கர்நாடக சட்டசபைக்கு அனுப்பி வைக்கப்பட்டது.

இதற்கிடையே, சபாநாயகர் ராஜினாமா செய்ததை தொடர்ந்து ஒத்திவைக்கப்பட்ட கர்நாடக சட்டசபை நேற்று மாலை 5 மணிக்கு துணை சபாநாயகர் கிருஷ்ணா ரெட்டி தலைமையில் தொடங்கியது. அப்போது, கர்நாடக மேல்-சபையில் நிதி மசோதா திருத்தங்கள் இன்றி ஒப்புதல் பெறப்பட்டு உள்ளது என்று கிருஷ்ணா ரெட்டி கூறினார்.

இதன்மூலம் கர்நாடக சட்டசபை, மேல்-சபையில் ஒரே நாளில் நிதி மசோதா எந்த பிரச்சினையும் இன்றி நிறைவேறியது. மேலும் கர்நாடக மேல்-சபையில் பா.ஜனதா கட்சிக்கு பெரும்பான்மை இல்லாததால், நிதி மசோதா நிறைவேறுமா என்ற கேள்வி எழுந்தது. இருப்பினும் முதல்-மந்திரி எடியூரப்பா தாக்கல் செய்த நிதி மசோதா ஒருமனதாக நிறைவேற்றப்பட்டு உள்ளதும் குறிப்பிடத்தக்கது.