நீலகிரி மாவட்டத்தில் பகலில் வெயிலும், இரவில் பனிப்பொழிவும் என இருவேறு காலநிலை நிலவுகிறது. இதனால் வனப்பகுதியில் வறட்சி காணப்படுகிறது. பச்சை புல்வெளிகள் காய்ந்து விட்டன. மேலும் நீர்நிலைகளில் தண்ணீர் வரத்து குறைந்து வருகிறது. இதனை பயன்படுத்தி சமூக விரோதிகள் வனப்பகுதிக்கு தீ வைத்து வருகின்றனர். கர்நாடகா மாநிலம் பந்திப்பூர் புலிகள் காப்பக வனப்பகுதியில் எரிய தொடங்கிய காட்டுத்தீ முதுமலை வனப்பகுதிக்கு பரவியது. இதனை அணைக்க முடியாமல் வனத்துறையினர் திணறி வருகின்றனர். இதேபோன்று கூடலூர் வன கோட்டத்தில் கூடலூர், ஓவேலி, நாடுகாணி தாவரவியல் மையம், தேவாலா, பிதிர்காடு, சேரம்பாடி வனச்சரகங்கள் உள்ளன. அடர்ந்த வனப்பகுதியாக உள்ளதால் சமூக விரோதிகள் பல இடங்களில் தீ வைத்து விட்டு தலைமறைவாகி விடுகின்றனர்.

பலத்த காற்று வீசுவதால் தீ வேகமாக வனப்பகுதியில் பரவி வருகிறது. இந்த நிலையில் வனப்பகுதிக்கு தீ வைக்கும் நபர்களை கண்டறிந்து, அவர்களை கைது செய்யும் நடவடிக்கையில் வனத்துறை ஈடுபட்டுள்ளது. மேலும் தீ வைக்கும் நபர்கள் குறித்து தகவல் கொடுத்தால் ரூ.2 ஆயிரத்து 500 பரிசுத்தொகை வழங்கப்படும், தகவல் கொடுப்பவர்களின் பெயர், விவரம் காக்கப்படும் என்று வனத்துறை அறிவித்து உள்ளது. இதுகுறித்து கூடலூர் வனகோட்ட அலுவலர் ராகுல் வெளியிட்டுள்ள செய்திக்குறிப்பில் கூறி உள்ளதாவது:-