முன்னாள் மந்திரி ரமேஷ் ஜார்கிகோளி ஒரு இளம்பெண்ணுடன் ஆபாசமாக இருக்கும் வீடியோ கடந்த மார்ச் மாதம் 2-ந் தேதி வெளியாகி பரபரப்பை ஏற்படுத்தியது. இதையடுத்து, மந்திரி பதவியை அவர் ராஜினாமா செய்திருந்தார். இந்த வழக்கு குறித்து சிறப்பு விசாரணை குழு போலீசார் விசாரித்து வருகின்றனர். இந்த வழக்கில் இளம்பெண், 2 முறை நீதிபதி முன்னிலையில் வாக்குமூலம் அளித்துள்ளார். அவரிடம் போலீசாரும் தொடர் விசாரணை நடத்தி தகவல்களை பெற்றுள்ளனர்.

கொரோனா பாதிப்பை காரணம் காட்டி ரமேஷ் ஜார்கிகோளி விசாரணைக்கு ஆஜராகாமல் இருந்து வருகிறார். இந்த நிலையில், ரமேஷ் ஜார்கிகோளிக்கு எதிராக போலீஸ் கமிஷனர் கமல்பந்திற்கு, பாதிக்கப்பட்ட இளம்பெண் ஒரு பரபரப்பு கடிதம் எழுதி அனுப்பி வைத்துள்ளார்.