பொள்ளாச்சி ஜோதி நகரை சேர்ந்த ஷேக் அப்துல்லா என்பவரது மகன் ஷேக்பீர் என்கிற யாசிர் (வயது 20). ஆட்டோ டிரைவர். இவரும் பொள்ளாச்சியை பகுதியை சேர்ந்த 16 வயது பள்ளி மாணவியும் ஒருவரை ஒருவர் காதலித்து வந்தனர். மேலும் பள்ளிக்கு செல்லும் போது அந்த மாணவியை தினமும் யாசிர் பார்த்து காதலை வளர்த்து வந்தார். இதற்கிடையில் அந்த மாணவியிடம் உன்னை திருமணம் செய்து கொள்கிறேன் என்று ஆசை வார்த்தை கூறி அவர் உல்லாசமாக இருந்ததாக தெரிகிறது.

இதன் காரணமாக அந்த மாணவி கர்ப்பமானார். மருத்துவ பரிசோதனை செய்த பிறகு 4 மாதம் கர்ப்பமாக இருப்பது உறுதியானது. இதையடுத்து தான் கர்ப்பமாக உள்ளதாகவும், தன்னை திருமணம் செய்து கொள்ளுமாறு யாசிரிடம் அந்த மாணவி கூறியதாக தெரிகிறது.