கொரோனா குறைந்து வருவதால், வருகிற 1-ந் தேதி முதல் 9, 10, 11, 12-ம் வகுப்புகள் திறக்க முடிவு செய்யப்பட்டு உள்ளது. அதன்படி நீலகிரியில் அரசு உயர்நிலை மற்றும் மேல்நிலைப் பள்ளிகளில் நேரடி வகுப்புகள் 1-ந் தேதி முதல் தொடங்குகிறது.

சுத்தம் செய்யும் பணி

கொரோனா பரவலை தடுக்க முன்னெச்சரிக்கை நடவடிக்கைகள் எடுக்கப்பட்டு வருகிறது. கடந்த சில மாதங்களுக்கு பின்னர் பள்ளிகள் திறக்கப்பட உள்ளதால், வகுப்பறைகளில் இருக்கை கள், மேஜைகளை சுத்தம் செய்யும் பணி தீவிரமாக நடைபெற்று வருகிறது. அதுபோன்று மேஜைகளை ஒழுங்குபடுத்தி வருகிறார்கள்.

மேலும் உள்ளாட்சி அமைப்புகள் மூலம் கிருமிநாசினி தெளித்து சுத்தம் செய்யப்படுகிறது. பள்ளிகளில் மாணவர்களுக்கு தேவை யான குடிநீர் கழிப்பறை வசதிகள் இருக்கிறதா என்று தலைமை ஆசிரியர்கள் உறுதி செய்ய வேண்டும் என்று அறிவுறுத்தப்பட்டு உள்ளது.

கட்டிடங்களில் ஆய்வு

பள்ளிகளை சுற்றிலும் புதர்களை அகற்றி தூய்மைப்படுத்தும் பணி நடந்து வருகிறது. ஆசிரியர்கள் மட்டுமின்றி மாணவர் களுடன் தொடர்பில் உள்ள ஆட்டோ, பஸ் டிரைவர்கள், பள்ளிகளில் பணிபுரியும் அனைத்து பணியாளர்கள் கட்டாயம் கொரோனா தடுப்பூசி செலுத்தி இருக்க வேண்டும். இடியும் நிலையில் கட்டிடங்களில் உள்ளதா என்று ஆய்வு செய்ய அறிவுறுத்தப்பட்டு உள்ளது.