தொடர் மழை காரணமாக மணிமுத்தாறு அணை நிரம்பி உள்ளதால் உபரிநீர் வெளியேற்றப்பட்டு வருகிறது. அணையில் இருந்து நேற்று வினாடிக்கு 28,798 கனஅடி வீதம் தண்ணீர் திறக்கப்பட்டது. இதனால் தாமிரபரணி ஆற்றில் வெள்ளப்பெருக்கு ஏற்பட்டு உள்ளது.

இந்த நிலையில் மணிமுத்தாறு அணையில் அமைச்சர் ராஜலட்சுமி, மாவட்ட கலெக்டர் விஷ்ணு ஆகியோர் நற்று நேரில் ஆய்வு செய்தனர். அவர்கள் கொட்டும் மழையிலும் இந்த ஆய்வை மேற்கொண்டனர். அப்போது அணைக்கு வரும் நீர்வரத்து மற்றும் நீர் வெளியேற்றம் ஆகியவை குறித்து தாமிரபரணி வடிநில கோட்ட செயற்பொறியாளர் அண்ணாதுரை விரிவாக எடுத்துக்கூறினார்.