மதுரை விமான நிலையத்தில் ம.தி.மு.க. பொதுச்செயலாளர் வைகோ நிருபர்களுக்கு பேட்டியளித்தார். அப்போது அவர் கூறியதாவது:

தமிழ்நாட்டிற்கு சோதனை மேல் சோதனை வந்து கொண்டிருக்கிறது. முல்லை பெரியாறு அணை இருக்கும் இடம், தமிழகத்திற்கு சொந்தமானது. ஆனால் 999 வருடமாக கேரளாவிற்கு குத்தகைக்கு கொடுத்து விட்டோம். இந்த அணையால் 5 மாவட்டங்கள் நீரில் மூழ்குகின்றன. இதனால் அந்த அணையை இடித்து விட்டு அந்த இடத்தில் புதிய அணையை கட்ட வேண்டும் என கேரள அரசு கூறுகிறது. முல்லை பெரியாறு அணை வலுவாக தான் இருக்கிறது. ஆனால், அவர்கள் குறும்படம், திரைப்படம் எடுத்து இந்த அணையால் கேரளாவிற்கு பாதிப்பு என மக்களை பயமுறுத்துகின்றனர்.