மேலும் வெடிண்டு கார் உரிமையாளர் ஹிரன் மன்சுக் எதற்காக கொலை செய்யப்பட்டார் என்ற மர்மமும் நீடிக்கிறது.

இந்த நிலையில் ஹிரன் மன்சுக், காந்திவிலியை சேர்ந்த ஒரு போலீஸ் அதிகாரி தன்னை அழைத்ததாகவும், அவரை சந்திக்க செல்வதாகவும் தனது மனைவி விமாலாவிடம் காலையான ஒரு நாளுக்கு முன் கூறிவிட்டு சென்றது தெரியவந்தது. இது தொடர்பாக விமலா அளித்த தகவலின் பேரில், அந்த போலீஸ் அதிகாரி யார் என்று என்.ஐ.ஏ. தீவிர விசாரணை நடத்தியது. இதில், அவர் காந்திவிலி குற்றப் புலனாய்வு பிரிவில் இன்ஸ்பெக்டராக பணியாற்றி வந்த போலீஸ் இன்ஸ்பெக்டர் சுனில் மானே என்று தெரியவந்தது.

இதையடுத்து அவரை ஆஜராக சம்மன் அனுப்பிய நிலையில், போலீஸ் இன்ஸ்பெக்டர் சுனில் மானே நேற்று முன்தினம் என்.ஐ.ஏ. அதிகாரிகள் முன்பு ஆஜரானார். அவரிடம் நேற்று 2-வது நாளாகவும் தீவிர விசாரணை நடந்தது. இந்த விசாரணையை தொடர்ந்து சுனில் மானே அதிரடியாக கைது செய்யப்பட்டார். பின்னர் அவர் மருத்துவ பரிசோதனைக்காக ஆஸ்பத்திரிக்கு அழைத்து செல்லப்பட்டார். கோர்ட்டிலும் ஆஜர்படுத்தப்பட உள்ளார்.

இதன் மூலம் வெடிகுண்டு கார் வழக்கில் இதுவரை போலீஸ் துறையை சேர்ந்த 4 பேர் கைதாகி இருப்பது குறிப்பிடத்தக்கது.