கடலூர் மாவட்டம் மங்கலம்பேட்டை அருகே உள்ள சிறுவம்பாரை சேர்ந்தவர் அய்யாக்கண்ணு (வயது 75), விவசாயி. இவருக்கும் அதே பகுதியை சேர்ந்த உறவினர் ஒருவருக்கும் இடையே நிலத்தகராறு சம்பந்தமாக முன்விரோதம் இருந்து வருகிறது. இந்த நிலையில் நேற்று இரவு அவர்களுக்கிடையே மீண்டும் தகராறு ஏற்பட்டது.

இதில் ஆத்திரமடைந்த அவர், தனது மகனுடன் சேர்ந்து அய்யாக்கண்ணுவை உருட்டுக்கட்டையால் தாக்கியதாக தெரிகிறது. இதில் அவர் ரத்த வெள்ளத்தில் சரிந்து விழுந்தார். இதை பார்த்து அதிர்ச்சி அடைந்த உறவினர்கள், அய்யாக்கண்ணுவை மீட்டு சிகிச்சைக்காக உளுந்தூர்பேட்டை அரசு மருத்துவமனையில் சேர்த்தனர்.