கிருஷ்ணகிரி அருகே உள்ள சுண்டேகுப்பம் பக்கமுள்ள அனுமந்தன்கோட்டை பகுதியைச் சேர்ந்தவர் நாராயணன் (வயது 36). விவசாயி. சம்பவத்தன்று இவர் வேன் ஒன்றில் ஓசூர்-கிருஷ்ணகிரி சாலையில் வந்து கொண்டிருந்தார். வேனை சாந்தம்பட்டியைச் சேர்ந்த சின்னசாமி (26) ஓட்டிச் சென்றார்.

சூளகிரி அருகே குருபராத்பள்ளி பஸ் நிறுத்தம் பக்கமாக வேன் வந்த போது எதிர்பாராதவிதமாக டிரைவரின் கட்டுப்பாட்டை இழந்து சாலையில் கவிழ்ந்தது. இந்த விபத்தில் வேனில் பயணம் செய்த நாராயணன், வேன் டிரைவர் சின்னசாமி ஆகியோர் படுகாயம் அடைந்தனர். அவர்களை அருகில் இருந்தவர்கள் மீட்டு சிகிச்சைக்காக கிருஷ்ணகிரி அரசு ஆஸ்பத்திரியில் சேர்த்தனர்.