அரசுக்கு நல்ல பெயர்

இந்த 2 திட்டங்களையும் கொண்டுவர நானும், அமைச்சர் கந்தசாமியும் எடுத்துக் கொண்ட முயற்சி எல்லோருக்கும் தெரியும். ஆண்டுகளுக்கு முன்பு இதற்கான கோப்பு தயார் செய்து கவர்னருக்கு அனுப்பினோம். ஆனால் கவர்னர் இந்த திட்டத்தை கொண்டு வந்தால் அரசுக்கு நல்லப்பெயர் வந்துவிடும் என்ற காரணத்தால் 2 முறை கோப்பை திருப்பி அனுப்பினார்.இந்த காலக்கட்டத்தில் தான் நானும், அமைச்சர்கள் மற்றும் கூட்டணி கட்சியினர் சேர்ந்து 3 நாட்கள் போராட்டம் நடத்தினோம். அமைச்சர் கந்தசாமியும் 10 நாட்கள் போராட்டத்தில் ஈடுபட்டார். இதன் விளைவாக நாம் வெற்றி பெற்றோம். இந்தியாவில் எந்த மாநிலத்திலும் இந்த திட்டம் இல்லை. புதுச்சேரி மாநிலம் முன்னோடியாக இருக்கிறது.

புதுச்சேரியை பார்த்து மற்ற மாநிலத்தவர்கள் கண்டிப்பாக இந்த கல்வித் திட்டத்தை செயல்படுத்துவார்கள். பட்ஜெட்டில் இருந்து 16 சதவீத நிதியை ஆதிதிராவிடர் சமுதாயத்துக்கு செலவிட நாங்கள் சட்டவரையறை தயார் செய்து அமைச்சரவையில் முடிவு செய்தோம். அதனை சட்டப்பேரவையில் கண்டிப்பாக நிறைவேற்றுவோம்.

கல்வி, வீடு கட்டும் திட்டம்

பிற்படுத்தப்பட்ட சமுதாயத்திலும் வறுமைக்கோட்டுக்கு கீழ் உள்ளவர்கள் இருக்கிறார்கள். அவர்களுக்கும் கல்வி, வீடு கட்டும் திட்டத்தை கொடுக்க வேண்டும் என்பது தான் எங்களின் கொள்கை. அதையும் நாங்கள் நிறைவேற்றுவோம்.ஆனால் அரசை குறைசொல்லவே சில கூட்டம் இருக்கிறது. அவர்கள் ஒன்றும் செய்யமாட்டார்கள். அவர்களின் தோலை தற்போது மக்கள் உரித்துக் கொண்டிருக்கிறார்கள். நாங்கள் உங்களிடம் கேட்பது, நாங்கள் உங்களோடு இருக்கிறோம். நீங்களும் எங்களோடு இருக்க வேண்டும் என்பது தான்.

இவ்வாறு முதல்-அமைச்சர் நாராயணசாமி பேசினார்.

நிகழ்ச்சியில் அமைச்சர் கந்தசாமி, அரசு கொறடா அனந்தராமன், விஜயவேணி எம்.எல்.ஏ. மற்றும் பல்வேறு கூட்டமைப்பை சேர்ந்த தலைவர்கள், நிர்வாகிகள் கலந்து கொண்டனர்.