நேற்று மாவட்ட சுற்று சூழல் பொறியாளர் காமராஜ் தலைமையில் பாப்பன் குப்பம் கிராமத்தில் பொதுமக்களிடம் தொழிற்சாலை நிர்வாகத்தினர் முன்னிலையில் கருத்து கேட்பு கூட்டம் நடைபெற்றது. அப்போது தொழிற்சாலையால் கிராம மக்கள் தொடர்ந்து பல்வேறு வகையில் பாதிக்கப்பட்டு வருவதாகவும், கரி துகள்கள் நிறைந்த சாப்பாட்டை சாப்பிடக்கூட முடியவில்லை என்றும், பெண்கள் தொழிற்சாலை நிர்வாகிகளை முற்றுகையிட்டு கோஷம் எழுப்பினர். இதனால் அங்கு கூச்சல், குழப்பம் நிலவியது.

இதற்கிடையில், கிராம மக்களில் ஒரு சிலர் உள்ளூர் மக்களுக்கு வேலை வாய்ப்பு தர வேண்டும் என்கிற கோரிக்கையை முன்வைத்தனர். இதன் பின்னர், கார்பன் துகள்கள் வெளியேறாத வகையில் செயல்பட வேண்டும் என்று தொழிற்சாலை நிர்வாகத்தினருக்கு மாவட்ட சுற்று சூழல் பொறியாளர் காமராஜ் அறிவுறுத்தினார்.