மும்பை காட்கோபர் மேற்கு பகுதியில் உள்ள அரசு பஸ் பணிமனை அருகே நேற்று காலை 10 மணியளவில் சிலர் நடந்து சென்றுகொண்டிருந்தனர். அப்போது, அந்த பகுதியில் ரத்தம் தோய்ந்த நிலையில் பெண் உடல் ஒன்று கிடந்தது. இதைப்பார்த்து அதிர்ச்சியடைந்த அவர்கள் சம்பவம் குறித்து போலீசாருக்கு தகவல் கொடுத்தனர்.

இதையடுத்து அங்கு விரைந்து சென்ற போலீசார் அந்த உடலை பார்வையிட்டனர். இதில், அந்த உடல் தலை, கால்கள் துண்டிக்கப்பட்ட நிலையில் கிடந்தது. இதையடுத்து போலீசார் உடலை கைப்பற்றி பிரேத பரிசோதனைக்கு அனுப்பி வைத்தனர்.