தமிழ்நாடு நுகர்பொருள் வாணிப கழகத்தில் பணியாற்றி வரும் விற்பனையாளர்களுக்கு வழங்கப்படும் ஊதியத்திற்கு இணையாக ரேஷன் கடை பணியாளர்களுக்கும் ஊதியம் வழங்க வேண்டும் மற்றும் பணிவரன்முறை, ஓய்வூதியம் உள்ளிட்ட 30 அம்ச கோரிக்கைகளை வலியுறுத்தி கடந்த 11-ந் தேதி முதல் தமிழகம் முழுவதும் தமிழ்நாடு அரசு நியாய விலைக்கடை பணியாளர் சங்கத்தினர் வேலை நிறுத்த போராட்டத்தில் ஈடுபட்டு வருகின்றனர்.

விழுப்புரம் மாவட்டத்திலும் இந்த சங்கத்தை சேர்ந்த பணியாளர்கள் கடந்த 2 நாட்களாக தொடர் வேலை நிறுத்த போராட்டத்தில் ஈடுபட்டு வந்த நிலையில் நேற்று 3-வது நாளாக இவர்களின் போராட்டம் நீடித்தது.